२०८२ मंसिर ८ गते सोमवार
२०८२ मंसिर ८ गते सोमवार
काठमाडौं । सामलिङ्ग पावर कम्पनी लिमिटेडको शेयर रजिष्ट्रारमा नेपाल एसबिआई मर्चेण्ट बैैंकिङ लिमिटेडलाई नियुक्त गरेको छ । कम्पनीले मंगलवार बाँडफाँट गरेको आईपीओ सम्बन्धी सम्पूर्ण कार्य गर्न नेपाल एसबिआई मर्चेण्ट बैैंकिङ लिमिटेडलाई शेयर रजिष्ट्रारमा नियुक्त गरेको हो ।
शेयर रजिष्ट्रारमा नियुक्त भएसँगै शेयर दाखिल खारेज, नामसारी, धितोबन्धक, डिम्याट लगायत शेयर रजिष्ट्रेशन सम्बन्धी सम्पूर्ण कार्य आज (बुधवार) देखि नेपाल एसबिआई मर्चेण्ट बैैंकिङ लिमिटेडमार्फत हुने कम्पनीले जानकारी दिएकोे छ ।
कम्पनीले कात्तिक ४ गतेदेखि ८ गतेसम्म ७ लाख ३० हजार कित्ता आईपीओ निष्कासन गरेर कात्तिक १६ गते बाँडफाँट गरेको हो ।
कम्पनीको आईपीओ खरीदका लागि २१ लाख ९८ हजार ७६४ जनाको आवेदन परेको थियो । कुल आवेदकहरुमध्ये ९ हजार ९८६ जनाको आवेदन रितपूर्वक नभएकाले रद्द गरिएको छ ।
योग्य २१ लाख ८८ हजार ७७८ जना आवेदकहरुलाई एउटै समूहमा राखेर गोलाप्रथाको माध्यमबाट शेयर बाँडफाँट गर्दा ६७ हजार ८९० जनाले १० कित्ताका दरले शेयर हात पारेका हुन् ।
कम्पनीले रू ७ करोड ३० लाख बराबरको ७ लाख ३० हजार कित्ता शेयर सर्वसाधारणमा वितरण जारी गरेको हो । कुल कित्तामध्ये २ प्रतिशत अर्थात् १४ हजार ६०० कित्ता कम्पनीका कर्मचारीहरुका लागि र ५ प्रतिशत अर्थात् ३६ हजार ५०० कित्ता सामूहिक लगानीकोषका लागि छुट्याएर बाँकी रहेको ६ लाख ७८ हजार ९०० कित्ता शेयर भने सार्वजनिक निष्कासनमार्फत विक्री गरी मंगलवार बाँडफाँट गरेको हो ।
कम्पनीले सर्वसाधारणमा आईपीओ जारी गर्नुअघि पहिलो चरणमा आयोजना प्रभावित स्थानीयलाई रू. ५ करोड बराबरको ५ लाख कित्ता शेयर वितरण गरिसकेको छ ।
सर्वसाधारणका लागि रू. १२ करोड ३० लाख बराबरको १२ लाख ३० हजार कित्ता आईपीओ विक्री गर्न असार ३१ गते बोर्डको अनुमति पाएको कम्पनीले पहिलो चरणमा स्थानीयमा शेयर जारी गरिसकेको हो ।
© 2025 All right reserved to khabarcnter.com | Site By : Sobij
