Logo

२०८२ भाद्र १४ गते शनिवार

२०८२ भाद्र १४ गते शनिवार

कोरोनाले गर्दा रोकिएको नेफ्टा अवार्ड यस वर्ष हुने

कोरोनाले गर्दा रोकिएको नेफ्टा अवार्ड यस वर्ष हुने


  • 9.2K
    Shares

    कोरोनाले गर्दा  रोकिएको नेफ्टा अवार्ड यस वर्ष हुने
    images

    काठमाडौं ।  विश्वभर फैलिएको कोरोना भाइरस (कोभिड-१९)को प्रभावका कारण स्थगित भएको नेफ्टा अवार्डको १० औं संस्करण यस वर्ष गरिने भएको छ । आयोजक संस्था नेपाल चलचित्र प्राविधिक संघले आगामी फागुन अन्तिम साता अवार्ड आयोजना गर्ने जानकारी दिएको हो ।

    नेफ्टा र ड्रिम हाइ नेपाल प्रालिको संयुक्त आयोजनामा हुन लागेको अवार्डको उत्कृष्ट पाँच मनोनयन सार्वजनिक कार्यक्रम माघ १० गते गर्ने  भएको अवार्ड कार्यक्रम संयोजक सुष्मा पौडेलले जानकारी दिइन् ।

    कोरोना महामारीपछि अहिले जनजीवन सामान्य बन्दै गइरहेको र व्यापार व्यवसाय, यातायातसँगै चलचित्र हलहरुपनि खुल्ने क्रममा रहेको भन्दै चलचित्र क्षेत्रलाई थप चलायमान बनाउन यहि बर्ष नै अवार्ड कार्यक्रम गर्न लागिएको बताइएको छ ।

    कार्यक्रमको अन्तिम तयारीमा जुटिरहेका छौं, संयोजक पौडेलसँगै ड्रिम हाइ नेपालका प्रमुख कमल जिसीले भने, ‘टप फाइभ सार्वजनिक गरेको दिन नै अवार्ड आयोजना हुने अफिसियल मिति सार्वजनिक गर्नेछौं ।’ कोभिड १९ लाई मध्यनजर गर्दै सुरक्षा मापदण्ड र सामाजिक दुरी कायम गरी कार्यक्रम गर्ने नेफ्टाले जनाएको छ ।

    गत बर्षको चैत्र २२ लाई टुँडीखेलमा हुनेगरी तय भएको अवार्ड कार्यक्रम संसारभर फैलिएको कोरोना भाइरसको महामारीका कारण स्थगित भएको थियो । निर्धारित मितिमा कार्यक्रम गर्न नसकेकोमा यसबाट पर्न गएको प्रभावप्रति नेफ्टाले समस्त दर्शक, चलचित्रकर्मी, प्रायोजक तथा सुभेच्छुकप्रति क्षमा मागेको छ ।

    प्रकाशित मिति :पौष १३ २०७७ सोमवार - १३:०८:०४ बजे
    प्रतिक्रिया

    खबरसेन्टर

    Admin Of Khabar Center.

    सम्बन्धित समाचार

    © 2025 All right reserved to khabarcnter.com | Site By : Sobij