२०८२ मंसिर ८ गते सोमवार
२०८२ मंसिर ८ गते सोमवार
काठमाडौँ । पछिल्लो २४ घण्टामा नेपालमा ३७६ जनामा कोरोना संक्रमण देखिएको छ भने ५१८ जना निको भएका छन् ।
स्वास्थ्य तथा जनसंख्या मन्त्रालयले आइतबार दिएको जानकारीअनुसार देशभर गरिएको ५ हजार ७३१ पीसीआर परीक्षणमा ३७६ जनामा संक्रमण पुष्टि भएको हो ।
यो सँगै नेपालमा कोरोनाबाट संक्रमित हुनेको संख्या ८ लाख १२ हजार ५७० पुगेको छ । संक्रमणमुक्त हुने ७ लाख ९१ हजार २६९ जना पुगेका छन् । २ हजार १६८ एन्टिजेन परीक्षणमा ३२ जनामा संक्रमण पुष्टि भएको छ । पीसीआर र एन्टिजेन विधिबाट गरिएको ७ हजार ८९९ परीक्षणमा ४०८ जना संक्रमित भएका छन् ।
यस्तै, २४ घण्टामा कोरोनाबाट थप ८ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ११ हजार ४०७ पुगेको छ । हाल देशभर सक्रिय संक्रमितको संख्या ९ हजार ३७६ छ । यस्तै, २११ जना क्वारेन्टाइनमा रहेको मन्त्रालयले जनाएको छ ।
नेपालमा हालसम्म ४४ लाख २० हजार ७७४ पीसीआर परीक्षण भएको मन्त्रालयको तथ्यांकमा उल्लेख छ । २४ घण्टामा खोप लगाएकाको संख्या ३८ हजार ८१५ रहेको छ ।
© 2025 All right reserved to khabarcnter.com | Site By : Sobij
