२०८२ मंसिर ९ गते मंगलवार
२०८२ मंसिर ९ गते मंगलवार
काठमाडौं । नेपालमा पछिल्लो २४ घण्टामा गरिएको ७ हजार ६२५ नमुना परीक्षणमा ५५७ जनामा कोरोना संक्रमण पुष्टि भएको छ ।संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज थपिएका ५५७ जनासँगै नेपालमा कोरोनाबाट संक्रमित हुनेको संख्या ९ लाख ३ हजार १ पुगेको छ । हाल सक्रिय संक्रमितको संख्या १० हजार २०१ रहेको छ ।
त्यसैगरी आज निको भएका ८७७ जनासँगै नेपालमा हालसम्म कोरोना संक्रमणबाट मुक्त हुनेको संख्या ७ लाख ८७ हजार ५०७ रहेको छ ।
त्यस्तै पछिल्लो २४ घण्टामा ३ जना कोरोना संक्रमितको मृत्यु भएको मन्त्रालयको विवरणमा उल्लेख छ । मन्त्रालयका अनुसार नेपालमा हालसम्म संक्रमणबाट मृत्यु हुनेको संख्या ११ हजार ३४८ पुगेको छ ।
मन्त्रालयका अनुसार नेपालमा हालसम्म १ करोड ५२ लाख ११ हजार १६१ जनाले कोरोना भाइरसविरुद्धको खोप लगाएका छन् । ती मध्ये पहिलो मात्रा खोप लगाउनेको संख्या ८६ लाख ६ हजार ९८८ रहेको छ भने दुवै मात्रा खोप लगाउनेको संख्या ६६ लाख ४ हजार १७३ पुगेको छ । नेपालमा कोभिसिल्ड, भेरोसेल, जोन्सन एण्ड जोन्सन, जापानीज ऐष्ट्राजेनेका र स्वीडिस ऐस्ट्राजेनिका नामक खोप लगाइएको छ । पछिल्लो २४ घण्टामा ७ हजार ५७६ जनाले कोरोनाविरुद्धको खोप लगाएका छन् ।
© 2025 All right reserved to khabarcnter.com | Site By : Sobij
