२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । प्रधानमन्त्री शेरबादुर देउवा आज बजेट पास गर्ने कार्यसूची रहेकाले संसदको बैठकमा जाने भएका छन् । प्रधानमन्त्री देउवा बजेट सम्बन्धी सबै विधेयक पारित हुने भएपछि संसदको बैठकमा उपस्थित हुन लागेका हुन् ।
त्यसपछि प्रधानमन्त्री देउवा अपरान्ह ३ बजे पर्वतारोहण संघको नवनिर्मित भवनको उद्घाटन गर्न नक्साल पुग्नेछन् । नक्सालस्थित नाग पोखरी नजिक रहेको संघको भवन उद्घाटन पछि प्रधानमन्त्री देउवा बालुवाटार पुग्नेछन् । प्रधानमन्त्री देउवाले अपरान्ह ४ बजे मन्त्रिपरिषद बैठक राखेका छन् ।
मन्त्रिपरिषद बैठकमा माधवकुमार नेपाल र महन्थ ठाकुरको समूह दलविहिन भएपछि उनीहरुलाई दलीय हैसियत दिनका लागि ल्याएको राजनीतिक दलसम्बन्धी अध्यादेश खारेजी गर्ने कार्यसूची छ । त्यसबाहेक मन्त्रिपरिषद बैठकले बजेट पारित भइसकेकाले संसदको अधिवेशन अन्त्य गर्नसक्ने बालुवाटार स्रोतको दाबी छ ।
यस्तै धितोपत्र बोर्डका अध्यक्ष भिष्मनाथ ढुंगानाका विषयमा छानविन समितिको प्रतिवेदन आइसकेकाले आजै ढुंगानाको बरखास्ती पनि हुनसक्ने बालुवाटार स्रोतको दाबी छ ।
© 2025 All right reserved to khabarcnter.com | Site By : Sobij
