२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । सोमबार नेपाल ल्युब आयलको शेयरमा शेयरखरिदकर्ताको उच्च चाप रहेको छ । यस दिन (असोज ४ गते) कम्पनीको लाभांश सुरक्षित गर्ने अन्तिम दिन हो ।
कम्पनीले ३५ प्रतिशत लाभांश वितरण र साधारण सभा प्रयोजनको लागि शेयरधनी दर्ता पुस्तिका असोज ५ गतेदेखि १८ गतेसम्म बुक क्लोज गर्ने भएकाले असोज ४ गतेसम्म कायम शेयरधनीले मात्र लाभांश पाउन र साधारण सभामा भाग लिन सक्नेछन् । जसकारण यस दिन कम्पनीको शेयरखरिदकर्ताको चाप रहेको छ ।
कम्पनीले गत आवको मुनाफाबाट शेयरधनीलाई ३० प्रतिशत बोनस शेयर र ५ प्रतिश नगद लाभांश गरी कुल ३५ प्रतिशत लाभाश वितरण गर्ने निर्णय गरेको हो । उक्त प्रस्ताव पारितका लागि कम्पनीले आगामी असोज १८ गते साधारण सभा बोलाएको छ ।
कम्पनीले सभा कार्यालय झम्सीलेख ललितपुरबाट भर्चुअल माध्यमबाट गर्ने जानकारी गराएको छ । साथै सभाले सर्वसाधारण शेयरधनीको तर्फबाट सञ्चालक नियुक्त गर्ने र आव २०७७र७८ को वार्षिक प्रतिवेदन छलफल गरी पारित गर्नेछ ।
© 2025 All right reserved to khabarcnter.com | Site By : Sobij
