२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । यस साता नेपाल स्टक एक्सचेन्ज (नेप्से)मा ४ वटा कम्पनीको सेयर सूचीकृत भएको छ । जसमा ३ वटा कम्पनीको ऋणपत्र र एक कम्पनीको बोनस सेयर सूचीकृत भएको हो ।
नेप्सेका अनुसार यस साता ग्लोबल आईएमई बैंक लिमिटेडको ऋणपत्र सूचीकृत भएको छ । ‘ग्लोबल आईएमई बैंक लिमिटेड डिबेन्चर (२०८६र८७) को ३० लाख कित्ता ऋणपत्र सूचीकरण गरिएको नेप्सेले जनाएको छ ।
त्यसैगरी, नेरुडे लघुवित्त वित्तीय संस्थाको बोनस सेयर पनि नेप्सेमा सूचीकृत भएको छ । कम्पनीको ८ प्रतिशत बोनस सेयरबापतको ३ लाख ६५ हजार ८२३ दशमलव २४ कित्ता सेयर सूचीकृत भएको हो ।
नेप्सेका अनुसार यस साता एनआईसी एसिया बैंक र राष्ट्रिय वाणिज्य बैंकको ऋणपत्र सूचीकृत भएको भएको छ ।
एनआईसी एसिया बैंकको ‘एनआईसी एशिया ऋणपत्र २०८८’ को १५ लाख ७३ हजार ८ सय ७२ एकाइ र राष्ट्रिय वाणिज्य बैंकको “८.५५ आरबीबीएल डिबेन्चर २०८३” को २५ लाख एकाइ ऋणपत्र सूचीकरण गरिएको नेप्सेले जनाएको छ ।
© 2025 All right reserved to khabarcnter.com | Site By : Sobij
