२०८२ मंसिर १२ गते शुक्रवार
२०८२ मंसिर १२ गते शुक्रवार
सरकारले खर्च गर्न नसकेको र राष्ट्र बैंकले लागू गरेको कर्जा र निक्षेपबीच कायम गर्नुपर्ने अनुपातका कारण अहिले बैंकहरूमा लगानीयोग्य रकम (तरलता) अभाव देखिएको छ । बैंकहरूबीच एकआपसमा नै निक्षेप खोसाखोस हुन थालेको छ ।
कम ब्याज दिएका बैंकमा रहेको निक्षेप बढी ब्याज दिने बैंकमा राख्नका लागि रकम तानातान भएको छ । यस्तो अवस्थामा बैंकमा रहेको निक्षेप जोगाउनका लागि बैंकहरूबीच निक्षेपको ब्याजदरमा बढाबढ भएको छ । निक्षेपको ब्याजदर जति बढी हुन्छ, स्वाभाविक रूपमा कर्जाको ब्याज पनि बढेको छ ।
बैंकहरूले सार्वजनिक गरेको ब्याजदरअनुसार हालसम्म सबैभन्दा बढी ब्याजदर दिनेमा सनराइज बैंक देखिएको छ । सनराइज बैंकले मुद्दती निक्षेपमा अधिकतमा १०.०७ प्रतिशत र सामान्य बचतमा ५.०७ प्रतिशत ब्याज दिएको छ ।
धेरै ब्याज दिने दोश्रो बैंकमा प्राइम बैंक देखिएको छ । प्राइमले मुद्दती निक्षेपमा अधिकतम ९ दशमलव ७६ प्रतिशत र बचतमा ४ दशमलव ७६ प्रतिशत ब्याज दिएको छ ।
क्रमश: एनएमबी, सानिमा र ग्लोबलले मुद्दती निक्षेपमा ९ दशमलव ५२, ९ दशमलव ५१ र ९ दशमलव ५ प्रतिशत ब्याज दिएका छन् ।
© 2025 All right reserved to khabarcnter.com | Site By : Sobij
