२०८२ मंसिर १२ गते शुक्रवार
२०८२ मंसिर १२ गते शुक्रवार
नेप्सेमा सूचीकृत कम्पनीहरुले गत आर्थिक वर्ष २०७७/७८ को मुनाफाबाट धमाधम सेयरधनीलाई लाभांश घोषणा गर्न थालेका छन् ।
यसैैक्रममा, हालसम्म गत वर्षको नाफाबाट ६ वटा हाइड्रोपावर कम्पनीहरुले लाभांश घोषणा गरिसकेका छन् । लाभांश घोषणा गर्नेहरुमा रुरु जलविद्युत्, ङादी ग्रुप पावर, सिनर्जी पावर, अपी पावर, अरुण काबेली र सानिमा माइ हाइड्रोपावर रहेका छन् ।
हालसम्म लाभांश गरेका हाइड्रोपावरमध्ये ङादी ग्रुप पावरले सबैभ्न्दा धेरै २१.०५ प्रतिशत लाभांश घोषणा गरेको छ । ङादीले २० प्रतिशत बोनस सेयर र कर प्रयोजनका लागि १.०५ प्रतिशत नगद लाभांश दिने भएको हो ।
यसैगरी, अरुण काबेलीले १७.८९ प्रतिशत लाभांश वितरण गर्ने भएको छ । अरुणले १७ प्रतिशत बोनस र कर प्रयोजनका लागि ०.७९ प्रतिशत नगद दिने भएको हो ।
यस्तै, अपी पावरले १०.५५ बोनस सेयर र कर प्रयोजनका लागि ०.५५ प्रतिशत गरी ११.१० प्रतिशत लाभांश दिने भएको हो ।
यस्तै, सिनर्जी पावर, रुरु जलविद्युत् र सानिमा माइ हाइड्रोपावरले समान १०.५३ प्रतिशत लाभांश घोषणा गरेका छन् । यी तीनै कम्पनीले १० प्रतिशत बोनस सेयर र कर प्रयोजनका लागि ०.५३ प्रतिशत नगद दिने भएका हुन् ।
लाभांश घोषणा गरेकामध्ये ४ कम्पनीले लाभांश वितरणको लागि बुकक्लोज समेत गरिसकेका छन् । सिनर्जी पावर, ङादी, अपि र अरुण कावेलीले बुकक्लोज गरिसकेका हुन् ।
रुरुले साधरण सभा प्रयोजनका लागि असोज ७ गते र अरुणले असोज १८ गते बुकक्लोज तोकेको छ । बुकक्लोज मिति अघि सेयर किन्ने भने अझै यी दुई कम्पनीको लाभांश पाउँछन् ।
© 2025 All right reserved to khabarcnter.com | Site By : Sobij
