२०८२ मंसिर १२ गते शुक्रवार
२०८२ मंसिर १२ गते शुक्रवार
राष्ट्रिय बीमा कम्पनी नेपाली सेयर बजारमा सबैभन्दा महँगो सेयर मूल्य हुने कम्पनी बनेको छ ।
वहुराष्ट्रिय कम्पनी युनिलिभरलाई उछिन्दै राष्ट्रिय बीमा सबैभन्दा धेरै सेयर मूल्य हुने कम्पनी बनेको हो । कम्पनीको सेयर मूल्य आज ठ्याक्कै १० प्रतिशत (प्रतिकित्ता १८३०रुपैयाँ)ले बढेर २० हजार १३२ रुपैयाँ पुगेको छ ।
विगत १ दशकभन्दा बढी समयदेखि सबैभन्दा महँगो सेयर मूल्य हुने कम्पनीको रुपमा रहेको युनिलिभरलाई बीमा कम्पनीले पछि पारेको हो । आज (१२ बजेसम्म) युनिलिभरको सेयर मूल्य प्रतिकित्ता १९ हजार ४०० रुपैयाँमा कारोबार भइरहेको छ । गत वर्षको मुनाफाबाट ६५० प्रतिशत नगद लाभांश घोषणा गरे पनि युनिलिभरको भाउ भने बढ्न सकेको छैन ।
राष्ट्रिय बीमा कम्पनीको हाल चुक्ता पूँजी साढे २६ करोड रहेको छ । बीमा समितिले तोकेको न्यूनतम चुक्ता पूँजी १ अर्ब पुर्याउन कम्पनीले आफ्नो चुक्ता पूँजी झन्डै ४ गुणाले वृद्धि गर्नुपर्ने हुन्छ ।
चुक्ता पूँजी बढाउन कम्पनीले बम्पर लाभांश दिने हल्ला चलेसँगै कम्पनीको सेयर मूल्य उचालिएको हो ।
© 2025 All right reserved to khabarcnter.com | Site By : Sobij
