२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । जोशी हाइड्रोपावरको गत आर्थिक वर्षको चौथो त्रैमाससम्मको वित्तिय विवरण सार्वजनिक गरेको छ ।
गत आर्थिक वर्षको चौथो त्रैमाससम्ममा कम्पनीले ३५ लाख ७१ हजारभन्दा बढी खुद नोक्सानीमा रहेको छ। अघिल्लो वर्ष यस अवधिसम्म कम्पनी १ करोड ८४ लाख ५६ हजार रुपैयाँभन्दा बढी खुद नोक्सानीमा रहेको कम्पनीले गत वर्ष नोक्सानी घटाएको हो ।
अघिल्लो वर्ष १ करोड ६४ लाख रुपैयाँभन्दा बढी विद्युत विक्री आम्दानी गरेको कम्पनीले गत वर्ष रू ३ करोड ६३ लाखभन्दा बढी यो आम्दानी गरेको छ । अघिल्लो वर्ष ७१ लाख ६४ हजार रुपैयाँभन्दा बढी आयोजना लागत रहेकोमा गत वर्ष ३१ लाख ३९ हजार रुपैयाँमात्र आयोजना लागत रहेको छ ।
अघिल्लो वर्ष ७१ लाख ४७ हजार रुपैयाँभन्दा बढी सञ्चालक नाफा गरेको कम्पनीले गत वर्ष ३ करोड ८ लाख रुपैयाँभन्दा बढी यो नाफा गरेको हो । सञ्चालन नाफा बृद्धि भएसँगै कम्पनीको खुद नोक्सानी घटेको हो ।
हाल कम्पनीको चुक्तापूँजी ३७ करोड १४ लाख रुपैयाँ रहेको छ । चौथो त्रैमाससम्म कम्पनीको जगेडा कोष रकम ५ करोड ७३ लाख रुपैयाँभन्दा बढी ऋणात्मक रहेको छ । यस अवधिसम्म कम्पनीको प्रतिशेयर नेटवर्थ रू ८४.५७ र प्रतिशेयर आम्दानी रू०.९५ ऋणात्मक रहेको छ ।
© 2025 All right reserved to khabarcnter.com | Site By : Sobij
