२०८२ मंसिर १४ गते आइतवार
२०८२ मंसिर १४ गते आइतवार
काठमाडौं । बागमती प्रदेशमा मुख्यमन्त्री परिवर्तन गर्ने तयारी गरिएको छ । नेकपा एमालेका वरिष्ठ नेता माधवकुमार नेपाल पक्षकी सांसद अष्टलक्ष्मी शाक्यलाई मुख्यमन्त्री बनाउन लागिएको हो ।
सरकारले दल विभाजनका लागि अध्यादेश ल्याएसँगै एमाले फुटेर नेपाल पक्षले नयाँ दल दर्ता गर्ने चर्चा चले पनि शाक्यलाई मुख्यमन्त्री बनाउने तयारी गरिएको हो ।
आफ्नो नाम उल्लेख नगर्ने शर्तमा नेपाल पक्षका एक सांसदले नयाँ सरकार गठनका लागि आज वा भोलिसम्म पक्रिया अगाडि बढ्ने बताए ।
ती सांसदले भने, "एमाले एकता रहे पनि नरहे पनि त्यसबारे पछि मिलाऔंला, अहिले डोरमणि पौडेलको ठाउँमा शाक्यलाई मुख्यमन्त्री बनाएर जाने कुरा भएको छ," ।
प्रदेश सभामा बहुमत प्राप्त संसदीय दलको नेताको हैसियतले पौडेल मुख्यमन्त्री छन् । संसदीय दलको बैठकले दलको नेता परिवर्तन गर्न सक्छ। यसकै लागि आजै नेकपा एमाले बागमती प्रदेश संसदीय दलको बैठक बस्दै छ ।
बागमती प्रदेश सभाका ११० सदस्यमध्ये एमालेका ५६ जना सांसद छन् । यसमध्ये नेपाल समूहका कम्तीमा २२ सांसद छन् ।
© 2025 All right reserved to khabarcnter.com | Site By : Sobij
