२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । महिलाहरुको महानपर्व हरितालिका तीज नजिकिएसँगै तीजका गीत सार्वजनिक हुने क्रम बढेको छ । यसैबीच गायिका शान्ता जिसीको स्वर रहेको नयाँ गीत ‘घरबारी’को म्युजिक भिडियो सार्वजनिक गरिएको छ ।
प्रेम सापकोटा र शान्ता जिसीको स्वर रहेको गीतको लेखन सापकोटाले नै गरेका हुन् भने गीतमा संगीत पनि उनैले भरेका छन्।महेन्द्र भण्डारीको म्युजिक एरेन्ज, खडक वाजुरालीको साउण्ड मिक्सिङमा तयार गीत मालाश्रीमा रेकर्ड गरिएको हो ।
यसको भिडियोलाई प्रकाश भट्टले निर्देशन गरेका हुन् । राजेश घिमिरेले खिचेको भिडियोलाई विष्णु शर्माले सम्पादन गरेका हुन्।भिडियोमा रामजी खाँड र अनु पराजुली लगायतका कलाकारको अभिनय देख्न सकिन्छ । शान्ता जिसीकै आधिकारिक युट्युब च्यानलबाट सार्वजनिक गरिएको हो ।
यसअघि गायिका जिसीले सार्वजनिक गरेका गीतहरु ‘जापनिज साडी', 'वरीलै', 'बाहिर कुरा नगर' लगायतका गीत चर्चित छन् । यो गीतबाट पनि राम्रो प्रतिक्रिया पाएको उनको भनाई छ । बाचा, तिम्रो बचन लगायतका अरु आधा दर्जन गीतमा स्वर भरेकी उनी लामो समयदेखि जापान बस्दै आएकी छन् ।
© 2025 All right reserved to khabarcnter.com | Site By : Sobij
