२०८२ भाद्र २४ गते मंगलवार
२०८२ भाद्र २४ गते मंगलवार
नाइजेरियाको उत्तरपश्चिममा रहेको जम्फारा प्रान्तमा एक हतियारधारी समूहको आक्रमणमा परी ५३ जनाको मृत्यु भएको छ ।
प्रहरी तथा स्थानीय बासिन्दाका अनुसार मोटरसाइकलमा आएका हतियारधारी समूहले जुर्मी जिल्लाको कडावा, क्वाटा, मडुबा, गन्डा समु, सौलावा र अस्कावा गाउँका मानिसमाथि आक्रमण गरेका थिए ।
बिहीबार भएको यो आक्रमणमा उनीहरुले खेतमा काम गरिरहेका किसानमाथि अन्धाधुन्ध गोली चलाएका थिए । जम्फाराको प्रहरी प्रवक्ताले अहिले उक्त क्षेत्रमा प्रहरी परिचालन गरिएको बताएका छन् ।
स्थानीयले उक्त आक्रमणमा मारिएका मानिसको मलामी जान पनि त्रास रहेको बताएका छन् । अहिले जंगलमा लुकेर बसेका हतियारधारी मलामी गएका मानिसमाथि आक्रमणको लागि आउन सक्ने उनीहरुको आशंका छ ।
© 2025 All right reserved to khabarcnter.com | Site By : Sobij
