२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । वैदेशिक रोजगार विभागले १६३ वटा म्यानपावर एजेन्सीलाई कारबाही गरेको छ । स्वीकृति नलिई विदेशी विमानस्थलबाट कामदारलाई वैदेशिक रोजगारीमा पठाएको र मागेको विवरण उपलब्ध नगराएको आरोपमा उनीहरूमाथि कारबाही गरिएको विभागले जनाएको छ ।
विभागका अनुसार ३९ वटा म्यानपावर एजेन्सीले विभागको स्वीकृतिबिना विदेशी विमानस्थलको प्रयोग गरी कामदारलाई वैदेशिक रोजगारीमा पठाएको देखिएको थियो ।
१२४ वटा म्यानपावर एजेन्सीले विभागले विवरण उपलब्ध गराउन दिएको निर्देशन पालना नगरेको हुँदा वैदेशिक रोजगार विभागको साउन १९ गतेको निर्णयानुसार कारबाही गरिएको विभागले जारी गरेको सूचनामा उल्लेख छ ।
विभागले १६३ वटा म्यानपावर एजेन्सी प्रत्येकलाई ५० हजार रुपैयाँ जरिबाना गरेको छ । विवरण उपलब्ध नगर्ने १२४ म्यानपावर एजेन्सीलाई जरिबाना किन नगर्ने भनि सात दिनभित्र स्पष्टीकरण पेस गर्न भनिएको छ ।
विभागले सूचना जारी गर्दै २०८२ चैत १ गतेदेखि २०८३ जेठ ३१ गतेसम्म श्रम स्वीकृति लिई वैदेशिक रोजगारीमा पठाएका कामदारहरूको उडान विवरण पठाउन म्यानपावर एजेन्सीहरूलाई भनेको थियो ।
© 2026 All right reserved to khabarcnter.com | Site By : Sobij
