२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । बैंकले आर्थिक वर्ष २०८२/८३ को असार मसान्तसम्म बलियो वित्तीय प्रदर्शन गरेको जनाएको छ । बैंकको करपछिको नाफा अघिल्लो वर्षको तुलनामा ३८.०१ प्रतिशतले वृद्धि भई ३ अर्ब ५५ करोड रुपैयाँ पुगेको छ ।
बैंकका अनुसार यस अवधिमा प्रतिशेयर आम्दानी बढेर २५ रुपैयाँ ७५ पैसा पुगेको छ । अघिल्लो वर्षको सोही अवधिमा यस्तो आम्दानी १८ रुपैयाँ ९४ पैसा रहेको थियो । त्यस्तै, बैंकको प्रतिफल क्षमता पनि सुधार भएको छ । गत वर्ष ११.७० प्रतिशत रहेको आरओई यस वर्ष बढेर १४.३९ प्रतिशत पुगेको बैंकले जनाएको छ ।
बैंकको वितरणयोग्य नाफा प्रतिशेयर २० रुपैयाँ ८५ पैसा पुगेको छ । अघिल्लो वर्षको सोही अवधिमा यो १५ रुपैयाँ ४८ पैसा थियो । बैंकले कर्जा विस्तारमा समेत वृद्धि गरेको छ । खुद कर्जा तथा सापटी ११.१९ प्रतिशतले बढेर २०३ अर्ब ९९ करोड रुपैयाँ पुगेको छ भने कुल निक्षेप १०.८४ प्रतिशतले वृद्धि भई २४९ अर्ब ९३ करोड रुपैयाँ पुगेको छ ।
पूँजी पर्याप्तताको अवस्थामा पनि बैंक बलियो देखिएको छ । बैंकको टियर–१ पूँजी पर्याप्तता अनुपात १०.१७ प्रतिशत र कुल पूँजी पर्याप्तता अनुपात १३.१० प्रतिशत रहेको छ । यसैगरी, खराब कर्जा (Gross NPA) घटेर २.८७ प्रतिशतमा झरेको छ । अघिल्लो वर्षको सोही अवधिमा खराब कर्जा ३.०१ प्रतिशत रहेको थियो ।
बैंकले नाफा वृद्धि, कर्जा विस्तार, पूँजी सुदृढीकरण र खराब कर्जा नियन्त्रणमार्फत वित्तीय सूचकहरूमा सुधार आएको जनाएको छ ।
© 2026 All right reserved to khabarcnter.com | Site By : Sobij
