‘गौँथली’मा दर्शक बढेपछि हलले बढायो शाे

श्रावण ३, २०८३ आइतवार

1.0K

काठमाडौं । शुक्रबारदेखि प्रदर्शनमा आएको चलचित्र ‘गौँथली’ले शुक्रबार र शनिबार राम्रो ब्यवसाय गर्न सफल भएको छ । प्रदर्शनको पहिलो दिनदेखि नै सकारात्मक वर्ड अफ माउथ पाएको फिल्ममा दर्शक देखिएपछि हलले सुरुको तुलनामा शो बढाएका हुन् ।

शुक्रबारको तुलनामा शनिबार चलचित्रले धेरै शो पाएको थियो । ती शो समेत भरिएकोले हलले शनिबार साँझबाटै शो बढाएको निर्माता निर्देशक कपिल रिजालले बताएका छन् ।

चलचित्रलाई दर्शकले साथ दिएपछि अरुण क्षेत्री, सिम्रन खड्कालगायतका कलाकार दर्शक भेट्न र प्रतिक्रिया बुझ्न हलमा पुगेका छन् । उनीहरू शनिबार बिहानैदेखि उपत्यकाका विभिन्न हल पुगेर दर्शकलाई धन्यवाद भनेका हुन् । दर्शकले कलकारसँग सेल्फी र फोट समेत खिचाएका थिए ।

चलचित्रमा अरुण क्षेत्री, सिम्रन खड्का, मदनकृष्ण श्रेष्ठ, प्रकाश घिमिरे, लुनिभा तुलाधर, रवीन्द्र झा, ईश्वरी बराल, सञ्जोग रसाइली, सीतादेवी तिमिल्सिना, लक्ष्मीनाथ तिमिल्सिनालगायत कलाकारको अभिनय छ ।