२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । राष्ट्रिय स्वतन्त्र पार्टी (रास्वपा) का सांसद कविन्द्र बुर्लाकोटीले संसदीय सुनुवाई प्रक्रियालाई थप प्रभावकारी बनाउन प्रश्तावित व्यक्ति र उजुरीकर्ताबीचको छलफल एकै दिन गर्न प्रस्ताव गरेका छन् ।
प्रमुख निर्वाचन आयुक्त र आयुक्तहरूको सुनुवाइ सम्बन्धी छलफल गर्न विहीवार बसेको संसदीय सुनुवाई समितिको बैठकमा उनले यस्तो बताएका हुन्। अघिल्लो संसदीय सुनुवाइको अनुभव उल्लेख गर्दै उनले उजुरीकर्तासँगको छलफल र प्रश्तावित व्यक्तिसँगको प्रश्नोत्तर एउटै दिन सञ्चालन गर्दा प्रक्रिया बढी प्रभावकारी हुने बताएका छन् ।
यसो गर्दा उजुरीका विषयवस्तु पुनः सम्झिरहनु नपर्ने र छलफल थप व्यवस्थित हुने उनको भनाइ थियो । उनले आवश्यक परेमा त्यसपछिका निर्णयका लागि छुट्टै बैठक राख्न सकिने बताएका छन् ।
उनले भने, ‘अघिल्लो सुनुवाईबाट मेरो अनुभवमा हामीले उजुरीकर्तासँग गर्ने भेटघाट, छलफल र सम्बन्धित प्रश्तावित व्यक्तिसँग गर्ने चाहिँ एकै दिनगर्दा त्यो प्रभावकारी हुँदो रहेछ । किनभने हामीले के लेखेको थियो, के उजुरी थियो भनेर सम्झिराख्नु परेन । उजुरीकर्तासँगको छलफल र प्रश्तावित व्यक्तिसँगको छलफल एकै दिन प्रभावकारी रूपले गरौँ । आवश्यक परेमा फेरिपछि अर्को बैठकमा छलफल गरेर निर्णय गर्न पनि सकिएला । तर उजुरीकर्ता र प्रस्तावित व्यक्तिको छलफल चाहिँ एकै दिन प्रभावकारी रूपले गरौँ भन्ने प्रश्ताव राख्न चाहन्छु ।’
© 2026 All right reserved to khabarcnter.com | Site By : Sobij
