२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । राष्ट्रिय स्वतन्त्र पार्टी (रास्वपा) ले प्रथम महाधिवेशनले अनुमोदन गरेको (चौथो संशोधित विधान २०८३) सार्वजनिक गरेको छ । चितवनमा भएको महाधिवेशनले संशोधित विधान पारित गरेको हो ।
विधानको भाग ५ को धारा १८ मा पार्टीको साङ्गठनिक संरचनाको व्यवस्था गरेको छ । संशोधित विधान अनुसार केन्द्रीय परिषद् खारेज गरेको छ । केन्द्रीय समिति विस्तार गरी १५८ सदस्यीय बनाएको छ । केन्द्रीय तहमा राष्ट्रिय महाधिवेशन, केन्द्रीय समिति (सचिवालय समेत), केन्द्रीय सल्लाहकार परिषद्, केन्द्रीय आयोग र केन्द्रीय विभागलाई यथावत् राखिएको छ ।
विधानमा ३३ प्रतिशत महिला र युवालाई सुनिश्चित गरेको छ । परिवारवाद, नातावादलाई पूर्ण निषेध गरिएको छ । नेतृत्वको एकाधिकार तोड्न र पुस्तान्तरलाई स्वाभाविक प्रक्रिया बनाउन दुई कार्यकाल निर्वाचित वा मनोनीत सुनिश्चित गरिएको छ । ‘एक व्यक्ति एक पद’ र बदमासी गरेमा पार्टीका कार्यकारी वा निर्वाचित प्रतिनिधिलाई फिर्ता बोलाउने व्यवस्था गरिएको छ ।
प्रदेशको साङ्गठनिक संरचना यथावत् राखिएको छ भने स्थानीय तह अन्तर्गत जिल्ला अधिवेशन, जिल्ला समिति, पालिका अधिवेशन, पालिका समिति, वडा अधिवेशन, वडा समिति, बुथ समिति र टोल समितिको व्यवस्था छ ।
© 2026 All right reserved to khabarcnter.com | Site By : Sobij
