२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । राष्ट्रिय स्वतन्त्र पार्टी (रास्वपा) ले आफ्नो प्रथम ऐतिहासिक राष्ट्रिय महाधिवेशनबाट निर्वाचित केन्द्रीय कार्यसमिति सदस्यहरूको अन्तिम सूची सच्याएको छ ।
चितवनको भरतपुरमा सम्पन्न महाधिवेशनमा क्लस्टर (समावेशी समूह) र भूगोलतर्फको मत परिणाम मिलाउने क्रममा त्रुटि भेटिएपछि पार्टीको केन्द्रीय निर्वाचन आयोगले निर्वाचित सदस्यहरूको नाम हेरफेर गरी सूची संशोधन गरेको हो ।
भुवन केसीको अध्यक्षतामा रहेको रास्वपा केन्द्रीय निर्वाचन आयोगले महाधिवेशनमा उम्मेदवारहरूबाट धेरै मत ल्याए पनि क्लस्टर मिलाउँदा अन्याय भएको गुनासो आएपछि आवश्यक अध्ययन गरी सूची सच्याएको जनाएको छ ।
आयोगको संशोधित निर्णयअनुसार केन्द्रीय सदस्यको सूचीमा रहेका कृष्णमान श्रेष्ठ र सोम शर्मा बाहिरिएका छन्। उनीहरूको स्थानमा क्रमशः ध्रुवकुमार थापामगर र पूजा बास्तोलालाई निर्वाचित घोषणा गर्दै केन्द्रीय सदस्य बनाइएको छ।
© 2026 All right reserved to khabarcnter.com | Site By : Sobij
