२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । प्रगतिशील लोकतान्त्रिक पार्टी (प्रलोपा) का नेता जनार्दन शर्माले नेपालमा कम्युनिष्ट आन्दोलन वैचारिक, राजनीतिक र सांगठनिक रूपमा विघटित भइसकेको भन्दै त्यसको पुनर्गठनको लागि नयाँ अभियान आवश्यक रहेको बताएका छन् । सोमवार काठमाडौंमा आयोजित ‘वैज्ञानिक समाजवाद कि बहुदलीय समाजवाद’ नामक पुस्तक विमोचन कार्यक्रममा बोल्दै उनले यस्तो बताएका हुन् ।
नेता शर्माले नेपाली कम्युनिष्ट आन्दोलन अहिले वैचारिक रूपमा अलमल, राजनीतिक रूपमा गञ्जागोल र सांगठनिक रूपमा नोकरशाहीतन्त्रमा परिणत भइसकेको टिप्पणी गरेका छन् । उनले अहिले कम्युनिष्ट आन्दोलनभन्दा पनि त्यसमा आवद्ध नेता र समर्थक मात्रै बाँकी रहेको टिप्पणी गर्दै आन्दोलनको मूल शक्ति विघटन भइसकेको दाबी गरेका छन् ।
उनले भने, ‘अब नेपाली कम्युनिष्ट आन्दोलन अल्मलियो । वैचारिक रुपले अल्मलियो, राजनीतिक रुपमा गञ्जागोलमा गयो । र सांगठनिक रुपले त एउटा नोकरशाहीतन्त्रमा फेरियो । र विघटन भयो । मलाई लाग्दैन यहाँ अहिले कम्युनिष्ट आन्दोलन जीवित छ । कम्युनिष्ट आन्दोलनमा लागेका नेताहरु मात्रै जिवित हो हामी । हामीलाई समर्थन गरेका जनता र हामी मात्रै जिवित हो । कम्युनिष्ट आन्दोलन विघटन भइसकेको छ । यो विघटित अवस्थामा कम्युनिष्ट आन्दोलनलाई पुनर्गठिक गर्ने एउटा नयाँ अभियानको आवश्यकता छ । ७० प्रतिशत जनमत थियो देशभक्त प्रगतिशील र वामपन्थीहरुको आज त्यो जनमत घटेर कहाँ पुगेको छ, त्यसले पनि स्पष्ट गर्दछ । त्यसकारण कम्युनिष्ट आन्दोलनलाई पुनर्जिवन दिनको पुनर्गठन आवश्यक छ ।’
शर्माले एक समय देशभक्त, प्रगतिशील र वामपन्थी शक्तिहरूसँग करिब ७० प्रतिशत जनसमर्थन रहेको उल्लेख गर्दै अहिले त्यो आधार उल्लेखनीय रूपमा खस्किएको बताएका छन् ।
© 2026 All right reserved to khabarcnter.com | Site By : Sobij
