गर्धन किन कालो देखिन्छ ?

आषाढ १५, २०८३ सोमवार

1.6K

काठमाडौं । तपाईंले कहिल्यै याद गर्नु भएको छ ? कतिपय मान्छेको गर्ध कालो देखिन्छ । सरसरफाइमा कमी वा फोहोर वा मयल जम्म भएर गर्धन त्यस्तो देखिएको हामी सोच्छौं । तर गर्धनमा कालो देखिनुका कारण फोहोर जम्मा भएर होइन ।

केही स्वास्थ्य समस्याको कारणले पनि यस्तो हुन सक्छ । मानिसहरू प्रायः फोहोर वा पर्याप्त सरसफाइको कमीको कारण गर्धन कालो देखिन्छ भनेर सोच्छन् । तर यो पूर्णतया गलत हो । गर्धन कालो देखिनुलाई एक्यान्थोसिस निग्रिनेक्स भनिन्छ । गर्धन कालो हुनुका धेरै कारणहरू सक्छन् । इन्सुलिन प्रतिरोध, पीसीओएस, हार्माेनल असंतुलन, मोटोपना, वा कहिलेकाहीं आनुवंशिकीको कारण पनि यस्तो हुन्छ ।

कसरी गरिन्छ यसको उपचार ?

छाला विशेषज्ञहरू क्रिम लगाउनाले यो समस्या निको हुँदैन भन्छन् । तौल व्यवस्थापन, इन्सुलिन प्रतिरोधलाई सम्बोधन गर्ने, र पीसीओएस वा पीएमओएस व्यवस्थापन गर्ने लाभदायक साबित हुनेछ । गर्धनको कालोपनबाट छिटो छुटकारा पाउन, तपाईं छाला विशेषज्ञसँग परामर्श गर्न सक्नुहुन्छ । छाला विशेषज्ञको मार्गदर्शन मात्र तपाईंले केमिकल पिल वा लेजर उपचारको साथ यो समस्या समाधान गर्न सक्नुहुन्छ ।

कुन परीक्षणहरू गर्नुपर्छ ?

तपाईंको गर्धन लामो समयसम्म कालो छ र सफा गर्दा पनि यसको कालो तह जाँदैन भने समस्याको जरासम्म पुग्न केही परीक्षणहरू गर्न सकिन्छ । तपाईंले फास्टिङ ब्लड सुगरमा चिनी र फास्टिङ इन्सुलिन परीक्षण गर्नुपर्छ ।

यो समस्या कम गर्न तपाईंले क्रिमको साहारा पनि लिन सक्नु हुन्छ । छाला विशेषज्ञहरूका अनुसार क्रिमहरूले समस्यालाई पूर्ण रूपमा निको त पार्दैनन् । तर तिनीहरूले कालो दागहरूलाई थोरै हल्का बनाउन सक्छन् । यसको लागि रेटिनोइड्स, युरिया, वा ल्याक्टिक एसिड क्रिमहरू प्रयोग गर्न सकिन्छ ।

गर्धनको कालो हटाउन तपाईंले बस्सरी रगड्ने वा ब्लीच लगाउने काम फिटिक्कै गर्नु हुन्न । छालालाई बिस्तारै सफा गर्नुहोस् । मोइस्चराइजर प्रयोग गर्नुहोस्, सनस्क्रिन लगाउनुहोस् र टाइट लुगा लगाउनबाट जोगिनुहोस् ।