२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । राष्ट्रिय स्वतन्त्र पार्टी (रास्वपा) को राष्ट्रिय महाधिवेशन अगाडि मधेस प्रदेश अधिवेशन नहुने भएको छ। निर्वाचित सांसदहरूको दबाब र जातीय संकीर्णताका कारण स्थगित भएको यो अधिवेशन महाधिवेशन अगाडि हुने सम्भावना नरहेको निर्वाचन आयोगले स्पष्ट पारेको छ राष्ट्रिय महाधिवेशन अगाडि रास्वपाको मधेस प्रदेश अधिवेशन नहुने भएको हो ।
यसअघि निर्वाचन आयोगले जेठ २६ गते एक सूचना जारी गर्दै अधिवेशनलाई निष्पक्ष, पारदर्शी र विधिसम्मत बनाउन आवश्यक रहेको भन्दै मधेस अधिवेशनका सम्पूर्ण गतिविधि स्थगित गरेको थियो ।
आयोगका प्रमुख भुवन केसीका अनुसार राष्ट्रिय महाधिवेशनको मिति नजिकिएका कारण मधेस प्रदेशको अधिवेशन तत्काल गर्न समय अभाव रहेको छ ृआयोगका प्रमुख भुवन केसीले राष्ट्रिय महाधिवेशनको मिति नजिकिएकाले मधेसको अधिवेशन तत्काल हुने सम्भावना नरहेको बताएका छन् ।
मधेस प्रदेशमा चर्किएको विवाद र दुई पक्षीय झडपका कारण पर्सा बाहेक अन्य ७ जिल्लाको अधिवेशन समेत स्थगित भइसकेको छ । यद्यपि, महाधिवेशन अगावै अधिवेशन सम्पन्न गर्न पार्टी नेतृत्व र निर्वाचन अयोगसँग पहल भइरहेको प्रदेशका महामन्त्री मनिषकुमार साहले बताए ।
आगामी असार ७, ८ र ९ गते चितवनमा आफ्नो प्रथम ऐतिहासिक राष्ट्रिय महाधिवेशन गर्ने निर्णय गरेसँगै सांगठनिक तयारीलाई तीव्र पारेको छ। पार्टी स्थापनाको चार वर्ष पूरा भएको अवसरमा हुन लागेको यस महाधिवेशनमा देशभरिबाट २५ सयदेखि ३ हजारसम्म प्रतिनिधिहरू सहभागी हुने निर्वाचन आयोगले जनाएको छ।
रास्वपाका पार्टी सदस्यहरूको संख्या पनि गत फागुनको ३ लाखबाट बढेर जेठ मसान्तसम्म ६ लाखको हाराहारीमा पुगेको छ ।
© 2026 All right reserved to khabarcnter.com | Site By : Sobij
