२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । प्रमुख प्रतिपक्षी दल नेपाली कांग्रेसले संसदीय दलको कार्यसमिति गठन गरी पदाधिकारी तथा सदस्यहरू मनोनीत गरेको छ। संसदीय दलको बैठक र सदनमा पार्टीको भूमिकालाई थप प्रभावकारी एवं व्यवस्थित बनाउन कार्यसमितिलाई पूर्णता दिइएको कांग्रेस संसदीय दलको कार्यालयले जनाएको छ ।
गठित कार्यसमितिको प्रमुखमा संसदीय दलका नेता भीष्मराज आङ्देम्बे चयन भएका छन् । यसैगरी, उपप्रमुखको जिम्मेवारी संसदीय दलका उपनेता अभिषेक प्रताप शाहलाई तोकिएको छ।कार्यसमितिको कोषाध्यक्षमा डा. शाहजान खातुन र सदस्य सचिवमा मदन कृष्ण श्रेष्ठ मनोनीत भएका छन्। कुल १२ सदस्यीय रहने कार्यसमितिमा हाल ६ जना सदस्यहरू मनोनीत गरिएको कांग्रेसले जनाएको छ ।
मनोनीत हुने सदस्यहरूमा पवित्रा विक, कालीबहादुर सहकारी, रुक्मिणीदेवी कोइराला, जयपति रोकाय, हरिनादेवी कामी र सुशीला ढकाल आचार्य रहेका छन्। कार्यसमितिका बाँकी २ सदस्यहरू भने पछि मनोनयन गरिने जानकारी दिइएको छ।
© 2026 All right reserved to khabarcnter.com | Site By : Sobij
