२०८३ बैशाख १३ गते आइतवार
२०८३ बैशाख १३ गते आइतवार
काठमाडौं । प्रमुख प्रतिपक्षी दल नेपाली कांग्रेसले प्रतिनिधिसभा अन्तर्गतको सार्वजनिक लेखा समितिको सभापतिमा उम्मेदवारी दिने तयारी गरेको छ । कांग्रेस सांसद भीष्मराज आङदाम्बेले लेखा समितिमा उम्मेदवारी दिने निश्चित भइसकेको जानकारी दिएका छन् ।
लेखा समितिमा भरत खड्का, मोहन आचार्य, योगेश शेरचन र जनकराज गिरीमध्ये एक जनालाई उम्मेदवार बनाइने आङदाम्बेले बताएका छन् ।
सङ्घीय संसद् सचिवालयले दिउँसो १ बजेदेखि दिउँसो ४ बजेसम्म मनोनयन दर्ताको समय निर्धारण गरेको छ । मनोनयन दर्ता गर्ने स्थान सिंहदरबारस्थित प्रतिनिधिसभा सचिवको कार्यकक्ष निर्धारण गरिएको छ । दिउँसो साढे ४ बजे नै उम्मेदवारहरूको सूची प्रकाशन गर्ने समय निर्धारण गरिएको छ ।
गत चैत २७ गते प्रतिनिधि सभा बैठकमा विषयगत समितिमा रहने सदस्यहरूको नाम सभामुख डोलप्रसाद अर्यालले वाचन गरेका थिए तोकेका थिए ।
© 2026 All right reserved to khabarcnter.com | Site By : Sobij
