बैतडीमा जिप दुर्घटना हुँदा ३ जनाको घटनास्थलमै मृत्यु

पौष २८, २०८२ सोमवार

897

काठमाडौं । बैतडीमा जिप दुर्घटना हुँदा ३ जनाको घटनास्थलमै मृत्यु भएको छ । बैतडीको मोतीनगरबाट डडेल्धुरातर्फ जाँदै गरेको म १ ज २२४ नम्बरको बोलेर जिप सोमबार बिहान साढे १० बजेतिर जय पृथ्वीराजमार्ग अन्तर्गत पाटन साँडीघाटी नजिक दुर्घटनामा भएको हो ।

जिप अनियन्त्रित भएर सडकबाट करिब ३ सय मिटर तल खसेको जिल्ला प्रहरी कार्यालय बैतडीका प्रवक्ता, प्रहरी निरीक्षक सुरज सिंहले जानकारी दिएका छन् । घटनास्थलमै मृत्यु भएका ३ जनाको सनाखत हुन बाँकी रहेको छ ।

जिपमा सवार अन्य सबै घाइते भएका र घाइतेहरूको सङ्ख्या यकिन हुन बाँकी रहेको प्रहरी निरीक्षक सिंहले बताएका छन् । घटनाका विषयमा थप अनुसन्धान भइरहेको जिल्ला प्रहरी कार्यालय बैतडीले जनाएको छ ।

प्रकाशित मिति :पौष २८ २०८२ सोमवार - ११:४४:४९ बजे

प्रतिक्रिया