२०८२ माघ ७ गते बुधवार
२०८२ माघ ७ गते बुधवार
काठमाडौं । नेपाली कांग्रेस महामन्त्री गगनकुमार थापाले राष्ट्रिय सभामा अन्य दलसँग तालमेल र उम्मेवार चयन गर्ने विषयमा फरक मत राखेका छन्।
बुधबार बिहान बसेको कार्यसम्पादन समितिको बैठकपछि थापाले सञ्चारकर्मीसँग कुराकानी गर्दै तालमेलको सैद्धान्तिक आधार नभएको र उम्मेदवार समेत नेताको खल्तीबाट झिकेर चयन गरिएकाले फरक मत राखिएको बताएका छन्।
उनले एकलौटी ढंगले उम्मेदवार चयन गरेर केन्द्रीय कार्यसमिति र संसदीय बोर्डको मानमर्दन गरिएकाले त्यसको स्वामित्व आफूहरूले नलिने स्पष्ट पारेका छन्।
उनले भने, नाम सिफारिस हुन बाँकी नै छ। तर, उम्मेदवारहरू मनोनयन सिफारिस लिएर जिल्ला गइसके। यो त सिधैं केन्द्रीय कार्यसमिति र संसदीय बोर्डको मानमर्दन भयो। महामन्त्रीलाई हेप्ने काम त छदैछ, अब चुप लागेर बसिदैन।
राष्ट्रिय सभा निर्वाचनमा कांग्रेस,एमाले र जसपाबीच तालमेल भएको छ। जसअनुसार कांग्रेसले ९ सिट, एमालेले ८ सिट र जसपा नेपालले एक सिट पाएका छन्। राष्ट्रियसभा सदस्य निर्वाचनका लागि बुधबार मनोनयन हुने र आगामी माघ ११ गते राष्ट्रियसभा सदस्य निर्वाचन गर्ने कार्यतालिका रहेको छ ।
© 2026 All right reserved to khabarcnter.com | Site By : Sobij
