२०८२ फाल्गुण २४ गते आइतवार
२०८२ फाल्गुण २४ गते आइतवार
काठमाडौं । काठमाडौं महानगरपालिकाका प्रमुख बालेन शाह र रास्वपाका सभापति रवि लामिछानेबीचको भेटवार्ता चलिरहँदा बाहिर भने सुदन गुरुङले बाहिरबाट गेटमा ताला लगाइदिएका छन्।
दुई नेताबीच सहमति नजुटेसम्म कोठाबाट बाहिर निस्कन नदिने भन्दै जेनजी अभियन्ता सुदन गुरुङले बाहिरबाट गेटमा ताला लगाइदिएका हुन्।
भेटवार्ता चलिरहेको स्थानको घरको मुख्य गेटमा ताला लगाउँदै गुरुङले दुई नेता मिलेर मात्र बाहिर आउनुपर्ने सर्त राखेका छन्। गुरुङले भने, ‘हाम्रो दुई नेताहरू भित्र हुनुहुन्छ। जबसम्म दुईजना मिल्नुहुन्न, तबसम्म यो गेट खोलिँदैन। हामीले यहाँ ताला लाएर राखिराछौँ।’
गेटमा ताला लगाएपछि गुरुङले आफूहरू अहिलेको लागि ‘गार्ड’ बसेको बताएका छन् । दुई नेताबीच कुरा नमिल्दासम्म ताला नखोलिने अडान गुरुङले लिएका छन्।
© 2026 All right reserved to khabarcnter.com | Site By : Sobij
