२०८२ मंसिर ४ गते बिहिवार
२०८२ मंसिर ४ गते बिहिवार
काठमाडौं । आगामी माघ ११ गते हुने राष्ट्रिय सभा सदस्य निर्वाचन प्रयोजनका लागि नेकपा एमालेले दल दर्ता गरेको छ । बुधबार एमाले नेताहरु आयोग पुगेर दल दर्ता गरेको आयोगले जनाएको छ ।
प्रतिनिधि सभा निर्वाचनका लागि दल दर्ता गर्न अन्कनाएको एमालेले राष्ट्रिय सभा सदस्यका लागि भने दल दर्ता गराएको हो । बुधबार बेलुकासम्म राष्ट्रिय सभा निर्वाचनका लागि एमालेसहित ६ वटा पार्टीले दल दर्ता गरेको निर्वाचन आयोगका प्रवक्ता नारायणप्रसाद भट्टराईले जानकारी दिए । उनका अनुसार एमालेसहित नेमकिपा, बहुजन शक्ति पार्टी, नेपाली कम्युनिस्ट पार्टी, जनता समाजवादी पार्टी नेपाल र राष्ट्रिय जनमोर्चाले राष्ट्रिय सभा सदस्यका लागि दल दर्ता गराएका हुन् ।
५९ सदस्यीय राष्ट्रिय सभामा आगामी फागुन २० गतेबाट एक तिहाई सदस्य रिक्त हुदैछ । रिक्त हुनु एक महिना अघि नै ति पदमा निर्वाचन हुने व्यवस्था छ । राष्ट्रिय सभाका मतदाता प्रदेश सभा सदस्य र स्थानीय तहका प्रमुख उपप्रमुख हुने व्यवस्था छ । उनीहरुको मत भार १९ र ५३ हुनेछ ।
© 2025 All right reserved to khabarcnter.com | Site By : Sobij
