२०८२ कार्तिक २८ गते शुक्रवार
२०८२ कार्तिक २८ गते शुक्रवार
काठमाडौं । राष्ट्रिय स्वतन्त्र पार्टी (रास्वपा) परित्याग गरेका सन्तोष परियार माओवादी केन्द्रका नेता जनार्दन शर्माको टिमसँग जोडिएका छन् । दल दर्ताको तयारीसमेत गरिएको छ ।
राष्ट्रिय स्वतन्त्र पार्टीका सचिवालय सदस्य सन्तोष परियार, नेपाल समाजवादी पार्टी (नयाँ शक्ति)की उपाध्यक्ष मानुषी यमी भट्टराई र अन्य केही दलका नेतालाई साथ लिएर नयाँ दल दर्ताको प्रयास भइरहेको नेताहरूले बताएका छन्।
शुक्रबार रास्वपाको साधारण सदस्य समेत त्यागेका परियारले नयाँ पार्टी खोल्ने बताए ।
“अब नयाँ पार्टी बनाउँछौँ । मानुषी यमी भट्टराई, सुदन किराँती लगायतका साथीहरू भएर पार्टी बनाउँछौँ,” उनले भने, “वक्तव्य जारीको तयारी गर्दैछौँ ।”
पार्टीको नाम प्रगतिशील लोकतान्त्रिक पार्टी, प्रगतशील नागरिक पार्टीलगायत विकल्पमा छलफल भइरहेको उनले बताए ।
उनका अनुसार, निर्वाचन आयोगमासमेत पत्र गइसकेको छ । उनले आजै पार्टीबाट राजीनामा दिएका हुन् ।
© 2025 All right reserved to khabarcnter.com | Site By : Sobij
