२०८२ कार्तिक ३० गते आइतवार
२०८२ कार्तिक ३० गते आइतवार
काठमाडौं । सहकारी संस्थाको वार्षिक साधारणसभा कडाइ गरिएको छ। सहकारी विभागले ७ बुँदे निर्देशन दिँदै सहकारी संस्थाको साधारणसमा कडाइ गरेको हो।
सहकारी सिद्धान्तअनुरुप सहकारी संघसंस्थाको साधारणसभाको बैठक आयोजना, कार्य प्रणाली र निर्णय प्रमाणीकरणका विषयहरु निर्धारण गर्न वञ्छनीय भएकोले यो निर्देशन जारी गरिएको विभागले स्पष्ट पारेको छ।
सहकारी संघसंस्थाले साधारणसभाको सूचना ३० दिनअघि नै प्रस्तावहरुसहित प्रकाशन गर्नुपर्नेछ। दुई हजार वा सोभन्दा बढी सदस्य भएका संस्थाले साधारणसभा एकै ठाउँमा भेला हुन नसक्ने अवस्थामा सदस्यहरुलाई पायक पर्ने स्थानमा बढीभन्दा बढी सहभागिताका लागि बढीमा ७ वटासम्म इकाइ गठन गरी सभा सम्पन्न गर्न पाउने निर्देशनमा उल्लेख छ।
सहकारी संस्थाहरुले सहकारी ऐन, २०७४ बमोजिम पुस मसान्तभित्र साधारणसभा अनिवार्य रुपमा सम्पन्न गर्नुपर्नेछ।
© 2025 All right reserved to khabarcnter.com | Site By : Sobij
