२०८२ आश्विन २६ गते आइतवार
२०८२ आश्विन २६ गते आइतवार
काठमाडौं । चालु आर्थिक वर्ष २०८२/८३ को पहिलो दुई महिनामा वैदेशिक रोजगारीमा जान एक लाख ३६ हजार ८२ जनाले श्रम स्वीकृति लिएका छन् ।
वैदेशिक रोजगार विभागको तथ्यांकअनुसार २०८२ साउन १ गतेदेखि भदौ मसान्तसम्म उनीहरूले विभागबाट श्रम स्वीकृति लिएका हुन् ।
गएको भदौमा मात्र ६७ हजार ९७२ जनाले श्रम स्वीकृति लिएका विभागको तथ्यांकले देखाउँछ । भदौमा श्रम स्वीकृति लिनेमा ५९ हजार ९२३ पुरुष र आठ हजार ४९ महिला छन् ।
गएका साउनमा ५८ हजार ९४८ पुरुष र ९ हजार १६२ जना महिला गरी कुल ६८ हजार ११० जनाले वैदेशिक रोजगारीमा जान श्रम स्वीकृति लिएका थिए ।
अघिल्लो आर्थिक वर्ष २०८१/८२ को पहिलो दुई महिनामा कुल एक लाख १७ हजार ६८ जनाले वैदेशिक रोजगारीमा जान श्रम स्वीकृति लिएका थिए ।
गत आर्थिक वर्षभन्दा चालु आर्थिक वर्षको पहिलो दुई महिनामा १९ हजार १४ जना बढीले श्रम स्वीकृति लिएका छन् । गत आर्थिक वर्षको तुलनामा चालु आर्थिक वर्ष वैदेशिक रोजगारीमा जान श्रम स्वीकृति लिनेको संख्या १६.२४ प्रतिशतले वृद्धि भएको छ ।
© 2025 All right reserved to khabarcnter.com | Site By : Sobij
