२०८२ माघ १३ गते मंगलवार
२०८२ माघ १३ गते मंगलवार
काठमाडौं । जेनजीले आन्दोलनको क्रममा लगाइदिएको आगोमा डढेर पोखरामा एक महिलाको मृत्यु भएको छ।
आन्दोलनकारीले हिजो गण्डकी प्रदेशका सामाजिक विकासमन्त्री विन्दुकुमार थापा र उनका भाइको नयाँबजारमा रहेको घरमा आगजनी गरेका थिए। त्यही आगोमा परेर घरमा काम गर्ने एक महिलाको निधन भएको हो।
मन्त्री थापाको घरमै कार्यालय राखेका पत्रकार सुरज श्रेष्ठका अनुसार उनको शव भर्याङनेर भेटिएको हो। ती महिला अन्दाजी ४० वर्षकी रहेकी र आगो लागेपछि भाग्ने क्रममा उनी भर्याङनेर लडेको हुन सक्ने उनले बताए। हतारमा उनी त्यहाँ भए नभएको कसैलाई याद नभएको पनि सुरजको भनाइ छ।
अहिले एउटा जलेको शवको फोटो सामाजिक सन्जालमा भाइरल भएको छ। अहिले पोखराको बजार क्षेत्रमा सेना खटिएको छ। हिजो जलेका संरचनाहरु सफाइ चलिरहेको छ।
© 2026 All right reserved to khabarcnter.com | Site By : Sobij
