२०८२ भाद्र १३ गते शुक्रवार
२०८२ भाद्र १३ गते शुक्रवार
काठमाडौं । सामाजिक अभियन्ता आशिका तामाङलाई जिल्ला अदालत भक्तपुरले पाँच दिनको कैद सजाय तथा पाँच सय रुपैयाँ जरिवाना तिराउने फैसला सुनाए पनि उनी थुनामा बस्नु नपर्ने भएको छ । तामाङसंगै प्रतिवादी बनाइएका शरण तिरुवाले भने पाँच दिनसम्म थुनामै बस्नु पर्ने भएको छ ।
जिल्ला अदालत भक्तपुरका न्यायाधीश विश्वनाथ भट्टराईको इजलासले बिहीवार साँझ तामाङलाई उक्त आदेश सुनाए पनि उनले प्रहरीको अनुसन्धानकै क्रममा पाँच दिन हिरासतमा बसिसकेकाले गर्दा अहिलेको आदेश अनुसार उनी थप कैदमा बस्नु नपर्ने भएको हो ।
भक्तपुर जिल्ला अदालत स्रोतलेका अनुसार तामाङले यो मुद्धामा २० हजार रुपैयाँ धरौटी जम्मा गरिसकेकाले उक्त पाँच सय रुपैयाँ तथा जाहेरवालालाई दामाशाहीले तिर्नु पर्ने आठ हजार रुपैयाँसमेत बुझाउनु नपर्ने भएको छ ।
साथै, तामाङसंगै प्रतिवादी बनाइएका शरण तिरुवाले भने प्रहरी अनुसन्धानका क्रममा फरार भई सोझै अदालतमा उपस्थित भएकाले उनले पाँच दिनको कैद भुक्तान गर्नु पर्नेको भएको छ । तिरुवाले २० हजार रुपैयाँ धरौटी रकम जम्मा गरेकाले उनले पाँच सय रुपैयाँ जरिवाना तथा जाहेरवालालाई तिर्नु पर्ने आठ हजार रुपैयाँ तिर्नु नपर्ने भएको छ ।
© 2025 All right reserved to khabarcnter.com | Site By : Sobij
