२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । नेपाल न्याय सेवाका विभिन्न समूह तथा उपसमूहतर्फ खुला प्रतिस्पर्धामा ४४ जना सिफारिस हुदाँ ३९ जना महिला सिफारिस भएका छन् ।
लोक सेवा आयोगले लिएको नेपाल न्याय सेवा, न्याय, कानून र सरकारी वकील समूहतर्फको विज्ञापनमा भर्खरै मात्रै सार्वजनिक सिफारिस सूची अनुसार रा।जपत्रांकित तृतीय श्रेणी, शाखा अधिकृत वा सो सरह पदमा खुलातर्फ मात्रै ४४ जना सिफारिस हुदाँ ३९ जना महिला सिफारिस भएका हुन् ।
सिफारिस सूची अनुसार उत्कृष्ट १६ जनामा पनि महिला नै छन् । १७ औँ नम्बरमा एक जना पुरुष सिफारिस भए पनि त्यसपछि निरन्तर २२ औँ नम्बरसम्म महिला नै सिफारिस भएका छन् । २३ औँ नम्बरमा एक जना पुरुष सिफारिस भएकोमा ३० औँ नम्बरसम्म फेरि महिला नै सिफारिस भएका छन् । फेरि ३१ औँ नम्बरमा एक जना पुरुष सिफारिस हुदाँ ३६ औँ नम्बरसम्म महिला नै सिफारिस छन् । त्यसपछि ३७ र ३८ औँ नम्बरमा क्रमस पुरुष सिफारिस भएका छन् भने त्यसपछि ४४ औँ नम्बरसम्म नै महिला सिफारिस भएका छन् ।
समग्रमा नेपाल न्याय सेवाको न्याय, सरकारी वकिल र कानून समूहतर्फ गरेर ७९ शाखा अधिकृत सिफारिस हुदाँ ५८ जना महिला सिफारिस भएका छन् ।
© 2025 All right reserved to khabarcnter.com | Site By : Sobij
