२०८२ माघ १४ गते बुधवार
२०८२ माघ १४ गते बुधवार
गोरखा। भिमसेनथापा गाउँपालिकाले संघीय मामिला तथा सामान्य प्रशासन मन्त्रालयद्वारा सार्वजनिक गरिएको संस्थागत क्षमता स्वमूल्याङ्कन (लिजा) को नतिजामा उत्कृष्ट उपलब्धि हासिल गरेको छ। माओवादी केन्द्रले जितेको गाउँपालिकाले ८७.७५ अंक प्राप्त गरि भिमसेनथापा गाउँपालिका गण्डकी प्रदेशमा तेस्रो स्थानमा उक्लिन सफल भएको छ भने गोरखा जिल्लामा भने प्रथम स्थानमा रहन सफल भएको छ।
यो सफलता गाउँपालिकाको विकास–निर्माण, सेवा प्रवाह, सुशासन, पारदर्शिता लगायत १० वटा सूचककाे समग्र मूल्याङ्कनको आधारमा हासिल भएको हो। भिमसेनथापा गाउँपालिकाले यो उपलब्धिलाई सम्पूर्ण गाउँवासी, जनप्रतिनिधि, कर्मचारी तथा सरोकारवालाको निरन्तर सहयोग, सक्रिय सहभागिता र प्रतिबद्धताको परिणाम भनेको छ।
गाउँपालिका अध्यक्ष लोक प्रसाद बन्जारा अक्कलले यो उपलब्धि सम्पूर्ण पालिकावासीका लागि गर्वको विषय भएको उल्लेख गरेका छन् ।
© 2026 All right reserved to khabarcnter.com | Site By : Sobij
