२०८२ भाद्र ८ गते आइतवार
२०८२ भाद्र ८ गते आइतवार
काठमाडौं । पाथीभरा मन्दिरमा पछिल्ला १० महिनादेखि भण्डारणमा रहेका करिब ३६ क्विन्टल सिक्काको गणना सुरु भएको छ ।
अबिर लगायतका फोहोर लागेको सिक्कालाई उपकरणको सहायताले धोएर गणना गरी घाममा सुकाएर गणना गर्ने गरेका छन् । घाम लागेको दिनमा करिब एक क्विन्टल सिक्का गणना हुने समितिले जानकारी दिएको छ ।
आफ्नो मनोकामना पूरा हुने विश्वासमा बर्सेनि आउने लाखौँ भक्तजनले मन्दिरमा नगद, सुन, चाँदी, तामा, घण्टीलगायत चढाएका भेटीलाई सङ्कलन गरी व्यवस्थापन गरिँदै आएको छ ।
नेपाली सिक्का मात्र नभएर भारतलगायतका अन्य मुलुकका सिक्कासमेत दर्शनार्थीले चढाउने गरेका छन् भने अघिल्लो आर्थिक वर्ष २०८०\०८१ मा करिब १५ लाख रुपियाँभन्दा बढीको सिक्का मात्र पाथीभरामा सङ्कलन भएको थियो ।
भेटी गणनाका लागि ८ जना कर्मचारी समितिले परिचालन गरेको छ । हरेक दिन पाथीभरा मन्दिरबाट कर्मचारीले भेटी सङ्कलन गरी माथिल्लो फेदीमा भण्डारण गर्ने गरेका छन् ।
© 2025 All right reserved to khabarcnter.com | Site By : Sobij
