२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । अभिनेत्री रेखा थापाले फिल्म बाहेक अन्यत्र कमै देखिन्छिन्। उनका थुप्रै समकालीन तथा अनुज अभिनेत्रीहरूले फिल्मको सीमाभित्र मात्र रहन सकेका थिएनन्। फिल्ममा काम नपाउँदा उनीहरू म्युजिक भिडियोतिर पनि रमाइरहेको देखिन्छ।
तर अभिनेत्री थापाले भने करिब २५ वर्ष लामो करियरमा हालसम्म एउटामात्र म्यूजिक भिडियो खेलेकी छिन्। उनले त्यो म्युजिक भिडियो आफ्नो करियरमा संघर्षरत हुँदा खेलेकी हुन्।
उनको पहिलो म्युजिक भिडियो गायक आनन्द कार्कीको चर्चित गीत ‘लाग्छ मन हेरिरहुँ’ हो। त्यसपछिका वर्षहरूमा फिल्मसरह पारिश्रमिकको प्रस्ताव आए पनि कुनै म्यूजिक भिडियो नखेलेकी रेखा अब दोस्रो म्युजिक भिडियोमा देखिन लागेकी छिन्।
उनको दोस्रो म्युजिक भिडियो साउन १६ मा सार्वजनिक हुँदैछ। उनले प्रकाश सपुतको संगीत तथा निर्देशनमा बनेको ‘नाइँ भनेसी नाइँ’ बोलको म्युजिक भिडियोमा अभिनय गरेकी छन्। प्रकाशले ‘बदला बरिलै’ को दोस्रो भागको रूपमा यो गीत ल्याउँदै छन्। गीत तीज लक्षित छ।
© 2025 All right reserved to khabarcnter.com | Site By : Sobij
