२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । समस्याग्रस्त सहकारी व्यवस्थापन समितिले आइतबार पत्रकार सम्मेलन आयोजना गर्दै स्थापनाकालदेखि हालसम्मको प्रगति विवरण सार्वजनिक गरेको छ । २२ वटा समस्याग्रस्त सहकारीको ३ अर्ब ७१ करोड ६६ लाख रुपैयाँ फिर्ता तथा मिलान भएको छ ।
समितिले हालसम्म विभिन्न २२ वटा सहकारीका ६१ हजारभन्दा बढी बचतकर्तालाई सो बराबरको बचत फिर्ता तथा हिसाब मिलान गरिएको हो ।
पत्रकार सम्मेलन आयोजना गर्दै स्थापनाकालदेखि हालसम्मको प्रगति विवरण सार्वजनिक गर्दै उक्त जानकारी दिएको हो । अहिलेसम्म फिर्ता भएको यो रकम कुल मागदाबीको करिब १० प्रतिशत मात्र छ। पीडितहरूको अझै ३४ अर्ब ७१ करोड रुपैयाँभन्दा बढी रकम फिर्ता हुन बाँकी रहेको छ ।
समितिका अनुसार अहिलेसम्म ६१ हजार ९४ जना मागदाबीकर्ताको कुल मागदाबी रकम ३८ अर्ब ४२ करोड ९६ लाख ३२ हजार रुपैयाँको मागदाबी परेको छ भने यसमध्ये समितिले आफ्नो दुई वर्षे कार्यकालमा विभिन्न प्रक्रियामार्फत ३ अर्ब ७१ करोड ६६ लाख ५ हजार ६५४ रुपैयाँ बराबरको बचत फिर्ता तथा दायित्व मिलान गरिएको जानकारी दिएको छ ।
© 2025 All right reserved to khabarcnter.com | Site By : Sobij
