२०८२ आश्विन २७ गते सोमवार
२०८२ आश्विन २७ गते सोमवार
काठमाडौं । नेकपा (एमाले)का सचिव रघुवीर महासेठले पूर्वराष्ट्रपति विद्यादेवी भण्डारी र अध्यक्ष केपी शर्मा ओलीबीच कुनै अन्तरविरोध नभएको जिकिर गरेका छन् ।
आइतबार (असार २२) जनकपुरधाममा सञ्चारकर्मीसँग उनले भण्डारी सक्रिय राजनीतिमा आउने भए अध्यक्ष ओलीकै प्रस्ताव रहने बताए । “दिनहुँ कित्ताकाटका समाचार आइरहेको छ, यसमा कुनै सत्यता छैन । अध्यक्ष र पूर्वराष्ट्रपतिको बीचमा कुनै अन्तरविरोध छैन । यदि, उहाँ सक्रिय राजनीतिमा आउनुहुन्छ भने अध्यक्षको सहमति र प्रस्तावमा आउनुहुन्छ,” उनले भने ।
भण्डारीलाई सक्रिय हुन संविधान र पार्टीको विधानले नछेक्ने महासेठले बताए । “हाम्रो सचिवालयमा पनि छलफल भएकै हो । यदि, उहाँ सक्रिय राजनीतिमा आउनुहुन्छ भने हामीले किन रोक्ने रु संविधान र विधानले रोक्ने कुनै दफा छैन,” उनले भने ।
उनले पार्टीका एक–दुईजनाले अन्तरविरोध बढाउन खोजेको र त्यो राम्रो नभएको टिप्पणी गरे । आउँदो महाधिवेशनसम्म ओलीकै निर्देशनमा पार्टी चल्ने उनले बताए ।
“हामी कुनै पनि कित्तामा छैनौँ, पार्टीको कित्तामा छौँ । अध्यक्षको चयन कित्ताकाट गरेर गर्ने होइन, महाधिवेशनले गर्ने हो,” उनले भने ।
© 2025 All right reserved to khabarcnter.com | Site By : Sobij
