२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । चालु आर्थिक वर्ष २०८१/८२ को नौ महिना (चैत मसान्तसम्म) मा ५ लाख ७३ हजार ६८२ नयाँ करदाता थपिएका छन् ।
अर्थ मन्त्रालयले सार्वजनिक गरेको तथ्यांक अनुसार नेपालमा स्थायी लेखा नम्बर लिने कुल करदाताको संख्या ६७ लाख ९९ हजार ८९५ पुगेको छ ।
मन्त्रालयको सार्वजनिक तथ्यांकले गत आर्थिक वर्षको तुलनामा समेत करदाता थपिने क्रम बढेको देखाएको । आर्थिक वर्ष २०८०/८१ को चैत मसान्तसम्ममा ५ लाख ५१ हजार ५६७ नयाँ करदाता थपिएका थिए । यस वर्ष सोही अवधिमा २२ हजारभन्दा बढी करदाता थपिएको छे।
चालु आर्थिक वर्षको चैतसम्ममा थपिएका नयाँ करदातामध्ये सबैभन्दा ठुलो हिस्सा व्यक्तिगत स्थायी लेखा नम्बर लिनेहरूको छ भने यस अवधिमा ४ लाख ८० हजार ७० जनाले व्यक्तिगत प्यान लिएका छन् ।
यस अवधिमा करकट्टी गर्ने निकायले लिएको व्यावसायिक स्थायी लेखा नम्बर लिनेको संख्या ९१ हजार ७७३, स्थायी लेखा नम्बर ९डब्ल्यूप्यान० लिने १ हजार ८३९ र व्यक्तिगत स्थायी लेखा नम्बर लिनेको संख्या ४ लाख ८० हजार ७० ले बढेका छन्।
योसँगै बीप्यान लिनेको संख्या २० लाख ३५ हजार ८७४, डब्ल्यूप्यान लिनेको संख्या ३५ हजार १६७ र पीप्यान लिनेको संख्या ४७ लाख २८ हजार ७७४ पुगेको छ।
© 2025 All right reserved to khabarcnter.com | Site By : Sobij
