२०८२ आश्विन २६ गते आइतवार
२०८२ आश्विन २६ गते आइतवार
काठमाडौं । निर्जीवन बिमा कम्पनीहरूले चालु आर्थिक वर्षको ११ महिनामा करिब ४० अर्ब रुपैयाँ बढी बिमा शुल्क संकलन गरेको छ।
नेपाल बीमा प्राधिकरणको जेठ मसान्तसम्मको तथ्यांक अनुसार १४ निर्जीवन बिमा र ४ वटा लघु बीमा कम्पनी गरी १८ वटा निर्जीवन बिमा कम्पनीहरूले कुल ३९ अर्ब ८८ करोड ४० लाख ७५ हजार रुपैयाँ बीमा शुल्क संकलन गरेका हुन् ।
जेठ मसान्तसम्ममा १४ बिमा कम्पनीहरूले ३९ अर्ब ३ करोड ४४ लाख ८६ हजार रुपैयाँ र ४ वटा लघु निर्जीवन बीमा कम्पनीहरूले ८४ करोड ९५ लाख ८९ हजार रुपैयाँ बीमा शुल्क संकलन गरेका छन् ।
शिखर इन्स्योरेन्सले ५ अर्ब ९ करोड ९ लाख, ,सगरमाथा लुम्बिनीले ४ अर्ब ५० करोड ३७ लाख र नेसनल इन्स्योरेन्स कम्पनीले ९७ करोड ७६ लाख रुपैयाँ बीमा शुल्क आर्जन गरेको छ ।
लघु निर्जीवन बीमा कम्पनीहरूमा नेपाल माइक्रो इन्स्योरेन्सले सबैभन्दा धेरै २३ करोड ७९ लाख रुपैयाँ बीमा शुल्क आम्दानी गरेको छ भने यस अवधिमा यी १८ कम्पनीहरूले कुल २९ लाख २६ हजार ५२९ वटा बीमा लेख जारी गरेको छ ।
© 2025 All right reserved to khabarcnter.com | Site By : Sobij
