२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । भन्सार विभागको तथ्यांकअनुसार चालु आर्थिक वर्ष २०८१/८२ को ११ महिनामा १ अर्ब १६ करोड ६२ लाख ३५ हजार रुपैयाँ बराबरको धानको बिउ आयात भएको छ । नेपालमा धानको बिउ आयात एक वर्षमै करिब ३१ प्रतिशतले बढेको छ ।
गत वर्षको सोही अवधिमा ८८ करोड ६५ लाख २१ हजार रुपैयाँको बीउ आयात भएको थियो भने किसानहरूमा रैथाने जातभन्दा हाइब्रिड धानको आकर्षण बढ्दै जाँदा बीउमा परनिर्भरता बढेको विज्ञहरूले बताएका छन् ।
चालु आर्थिक वर्ष २५७०.६८ मेट्रिक टन धानको बीउ आयात भएको छ भने अघिल्लो वर्ष २१०७/२३ मेट्रिक टन धानको बीउ आयात भएको थियो ।
विज्ञहरुकोअनुसार उत्पादन बढी हुने भएकाले रैथानेको सट्टा हाइब्रिड जातको धान लगाउने क्रम बढ्दै जाँदा पछिल्लो समय रैथाने जातको धान खेती घट्दै गएको छ ।
आर्थिक वर्ष २०८०/८१ मा ८८ करोड ६६ लाख ९ हजार रुपैयाँको २१०७.४६ मेट्रिक टन , २०७९/८० मा ७५ करोड ६३ लाख ९३ हजार रुपैयाँको १८८३.०९ मेट्रिक टन, २०७८/०७९ मा ८७ करोड ५ लाख ९२ हजार रुपैयाँको ५११५.०७ मेट्रिक टन बिउ आयात भएको विभागको तथ्यांकमा उल्लेख गरीएको छ ।
© 2025 All right reserved to khabarcnter.com | Site By : Sobij
