२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । भन्सार विभागले सार्वजनिक गरेको चालु आर्थिक वर्ष २०८१/८२ को ११ महिनामा ६ अर्ब ६६ करोड रुपैयाँको आलु आयात भएको छ ।
सार्वजनिक तथ्यांकअनुसार तीनवटा मुलुकबाट ६ अर्ब ६६ करोड ८५ लाख १२ हजार रुपैयाँ बराबरको २७००२६.९६ मेट्रिक टन आलु आयात भएको उल्लेख छ ।
उक्त परिमाणमा आलु आयात हुँदा १ अर्ब ३१ करोड २६ लाख १२ हजार रुपैयाँ राजस्व सङ्कलन भएको विभागले जानकारी दिएको छ ।
भन्सार विभागका अनुसार कुल आलु आयात भएकोमध्ये सबैभन्दा धेरै भारतबाट आयात ६ अर्ब ३५ करोड १४ लाख ४६ हजार रुपैयाँको २५०९९७.८८ मेट्रिक टन आलु आयात भएको छ ।
बङ्गलादेशबाट ३१ करोड ४९ लाख ७० हजार रुपैयाँको १८९६३.०७ मेट्रिक टन आलु आयात भएको छ भने २१ लाख ५६ हजार रुपैयाँको ६६ मेट्रिक टन आलु चीनबाट आयात भएको छ ।
© 2025 All right reserved to khabarcnter.com | Site By : Sobij
