२०८२ कार्तिक ३ गते सोमवार
२०८२ कार्तिक ३ गते सोमवार
काठमाडौं । भारत र पाकिस्तानबीचको गोलाबारी चलिरहेका बेला चीनले पहिलो पटक मुख खोलेको छ ।
चीनले शान्ति र संयमका लागि आह्वान पनि गरेको छ । चीनले भारतको सैन्य कारबाही र दुई देशबीचको वर्तमान विकासक्रमबाट चिन्तित भएको जनाएको जनाएको छ ।
“भारत र पाकिस्तान एकअर्काका छिमेकी हुन् । र, दुवै चीनका पनि छिमेकी हुन्,” चीनको विदेश मन्त्रालयका प्रवक्ताले भनेका छन् ।
सीएनएनका अनुसार, भारत र पाकिस्तानबीच द्वन्द्व बढ्दै जाँदा चीन कूटनीतिक द्विविधामा परेको छ । दुई देशबीचको तनाव चीनले ट्रम्प प्रशासनको दबाबलाई प्रतिरोध गर्न छिमेकी र व्यापारिक साझेदारसँग सम्बन्ध मजबुत बनाउने रणनीतिक प्रयासअन्तर्गत भारतसँग सम्बन्ध सुधार्न खोज्दै गरेको बेलामा आएको हो ।
पाकिस्तान चीनको निकट साझेदारमध्ये एक हो । पाकिस्तान चीनको बेल्ट एन्ड रोड इनिसिएटिभको प्रमुख समर्थक पनि हो ।
अप्रिल २७ मा चीनका विदेशमन्त्री वाङ यीले आफ्नो पाकिस्तानी समकक्षीसँग टेलिफोनमा कुराकानी गर्दै पाकिस्तानप्रति समर्थन व्यक्त गरे र चीनले दुवै देशबीचको विकास भएका घटनाक्रमहरूलाई नजिकैबाट नियालिरहेको बताएका थिए ।
चिनियाँ विदेश मन्त्रालयले पाकिस्तानमाथि भारतीय सैन्य कारबाहीलाई खेदजनक भनेको छ ।
दक्षिण एसियाका दुई ठूला मुलुकबीच बढेको तनावबारे सोधिएको प्रश्नमा चिनियाँ विदेश मन्त्रालयका प्रवक्ता माओ निङले भनेकी छन्- हामी त्यहाँ भइरहेको सबै गतिविधिलाई चासोपूर्वक हेरिरहेका छौँ । आज बिहानै भारततर्फबाट भएको सैनिक अप्रेसन खेदजनक छ । दुवै देशलाई शान्त र संयम रहन आग्रह गरेका छौँ । थप नराम्रो घटनातर्फ नजान भनिरहेका छौँ ।
© 2025 All right reserved to khabarcnter.com | Site By : Sobij
