२०८२ आश्विन २८ गते मंगलवार
२०८२ आश्विन २८ गते मंगलवार
काठमाडौं । धरानका मेयर हर्क साम्पाङ्गका समर्थकले धरानका स्थानीय माओवादी नेता सन्तोष लिम्बूमाथि कुटपिट गरेका छन् ।
बाटो निर्माणको विषयमा भएको विवाद मिलाउन सोमबार पुगेका साम्पाङ्गले समर्थकलाई उकासेपछि लिम्बूमाथि कुटपिट भएको हो । बाटोसम्बन्धी विवाद छलफल मिलाउनुको साटो साम्पाङ्गले मुख छाड्दै गाली गरेको र आफूमाथि कुटपिटसमेत भएको भएको लिम्बूले बताए ।
सन्तोष टोल विकास संस्थाका अध्यक्षसमेत हुन् । धरान-११ मा नगरकोट-बानडाँडा बाटो स्तरोउन्नतिका लागि प्रदेश सरकारले २० लाख विनियोजन गरेको थियो । तर, स्थानीयबी विवाद भएपछि हिजो छलफल राखिएको थियो ।
हैसियत नभएको भन्दै गाली गरेपछि लिम्बू र मेयर साम्पाङगबीच विवाद भयो । ‘मेयर नै मुख छाड्दै हातपातमा उत्रिन खोजेपछि अरु उक्सिएर ममाथि हमला भयो’, लिम्बूले भने ।
मेयर साम्पाङ्गले लिम्बूलाई वडा सदस्यजत्तिको पनि हैसियत नभएको भन्दै छलफल गर्न जरुरी नभएको बताएको त्यहाँ रहेकाले बताए ।
© 2025 All right reserved to khabarcnter.com | Site By : Sobij
