२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । चालू वर्षको ८ महिनामा नेपालमा १० हजार कार भित्रिएको छ। साउनदेखि फागुनसम्म विद्युतीय, पेट्रोल र डिजेल गरी कुल १० हजार २४ गाडी भित्रिएको छ।
फागुनसम्म चीनबाट कुल ५ हजार २८५ गाडी भित्रिएको छ भने भारतबाट कुल ४२ सय कार, भ्यान र जिप नेपालमा भित्रिएका हो। जापान, जर्मनी, कोरिया, अमेरिकाबाट समेत गाडी नेपालमा आइरहेको छ।
चीनबाट ५० किलोवाटको १४ सय ३६ वटा, भारतबाट १ हजार ९४ वटा गाडी, २०१ किलोवाटमाथि चीनबाट १० वटा, जर्मनीबाट ३ वटा, अमेरिकाबाट १ गाडी, १ देखि १०० किलोवाटसम्म ३ हजार १९७, चीनबाट, भारतबाट ६८१ वटा र कोरियबाट १ गाडी भित्रिएको भन्सारको तथ्यांकले देखाएको छ। ठूलो बसको व्यापारमा भारतकै एकलौटी भए पनि २५ सिटसम्मका साना बस तथा माइक्रोको बजार चीनबाट भित्रिएको छ ।
फागुनसम्म ७ हजार ८९ विद्युतीय गाडी नेपालमा भित्रिएका छन्। चीनबाट ५ हजार २७८ विद्युतीय गाडी भित्रिएका छन्। भारतबाट १७ सय ७५ मात्रै भित्रिएका छन्। डिजेल पेट्रोलको कुल २९ सय ४५ कार, जिप भित्रिएको छ। यसमा चीनबाट जम्मा ७ गाडी आयात हुँदा भारतबाट मात्रै २४ सय २५ गाडी भारतबाट भित्रिएको भन्सार विभागको तथ्यांकमा सार्वजनिम गरिएको छ ।
मौद्रिक नीतिको अर्धवार्षिक समीक्षामार्फत राष्ट्र बैंकले सबै निजी गाडीमा ६० प्रतिशतसम्म ऋण लिन पाउने व्यवस्था गरेको छ।
© 2025 All right reserved to khabarcnter.com | Site By : Sobij
