२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । शहरी विकास मन्त्रालयले चालू आर्थिक वर्षमा १२ अर्ब २४ करोड ३ लाख ८७ हजार रुपैयाँ खर्च गरेको छ ।
मन्त्रालयले मङ्गलबार सिंहदरबारमा पत्रकार सम्मेलन गर्दै चालु आर्थिक वर्षको मन्त्रालयको बजेट जम्मा ९१ अर्ब ३५ करोड २३ लाख रुपैयाँ रहेकोमा हालसम्म जम्मा १२ अर्ब २४ करोड ३ लाख ८७ हजार अर्थात १७ दशमलव ९३ प्रतिशत खर्च भएको जनाएको हो ।
चालू आर्थिक वर्षको जम्मा ३ हजार ७ सय १६ वटा नयाँ कार्यक्रमहरू मध्ये जम्मा १ हजार ६ सय २३ वटा कार्यक्रमहरूको बोलपत्र आह्वान भइसकेको मन्त्रालयका प्रवक्ता नारायण प्रसाद मैनालीले जानकारी दिए । त्यसैगरी बोलपत्र आह्वान भएका १ हजार ६ सय २३ वटा कार्यक्रम मध्ये १ हजार ९८ वटा कार्यक्रमहरूको ठेक्का सम्झौता भई १२४ वटा कार्यक्रमहरूको निर्माण कार्य सम्पन्न भइसकेको मन्त्रालयले जनाएको छ ।
बोलपत्र आह्वान हुन नसकेका बाँकी २ हजार ९३ वटा कार्यक्रमहरू मध्ये २ सय ८८ वटा कार्यक्रमहरू बहुवर्षीय स्वीकृतिको लागि प्रस्तावित गरिएको र ८० वटा कार्यक्रम संशोधनका लागि प्रस्तावित गरिएको प्रवक्ता मैनालीले जानकारी दिए ।
त्यस्तै ३० वटा स्थानीय सडक पुल निर्माण गर्ने लक्ष्य रहेकोमा ५ वटा सडकपुल निर्माण सम्पन्न भइसकेको र ३३० वटा झोलुङ्गे पुल निर्माण गर्ने लक्ष्य रहेकोमा हालसम्म १६२ वटा झोलुङ्गे पुल निर्माण सम्पन्न भएको मन्त्रालयले जानकारी दिएको छ ।
© 2025 All right reserved to khabarcnter.com | Site By : Sobij
