२०८२ आश्विन २८ गते मंगलवार
२०८२ आश्विन २८ गते मंगलवार
विराटनगर । नेकपा एमाले उपाध्यक्ष रामबहादुर थापा बादलले नेपाली कांग्रेस, नेकपा माओवादी केन्द्र, मधेशकेन्द्रित दल कसैले पनि मुलुकको अवस्था बदल्न नसक्ने बताएका छन् ।
एमाले मोरङको १० औं जिल्ला अधिवेशनको प्रमुख अतिथि बनेका बादलले एमाले मात्रै क्रान्तिकारी पार्टी भएको र एमालेको नेतृत्वमा मात्रै मुलुकका तमाम समस्याको समाधान सम्भव हुने बताए ।
‘नेपाली कांग्रेस क्रान्तिकारी पार्टी हो ? उसको इतिहासले देखाउँदैन । नेकपा माओवादी केन्द्र नेपालको अवस्थालाई बदल्ने पार्टी हो ? होइन । उसको नीतिले, विचारले र नेतृत्वले यो कुरालाई पुष्टि गर्दैन,’ बादलले भने, ‘यी सबै पार्टी अस्थिरतावादी, । यिनले नेपालको अवस्था बदल्न सक्दैनन् । नेपालमा समाजवाद स्थापना गर्न सक्दैनन् ।’
राजावादी, सामान्तवादी विचार बोक्ने र नयाँ भनेर खुलेका पार्टीले पनि अहिलेको अवस्थालाई बदल्न नसक्ने जिकिर गर्दै उनले एमालेले मात्र क्रान्तिकारी पार्टी भएको बताए ।
© 2025 All right reserved to khabarcnter.com | Site By : Sobij
