२०८२ आश्विन २८ गते मंगलवार
२०८२ आश्विन २८ गते मंगलवार
काठमाडौं । नेपाली कांग्रेसका महामन्त्री गगन थापाले सरकारमा रहेर कांग्रेसले चकचक नगर्ने र उपद्रो पनि नगर्ने बताएका छन् ।
उनले ०७९ को निर्वाचनका बेलामा प्युठानमा आफूहरुले कार्यकर्तालाई रुखमा मत दिन नभनी गिलासमा मत दिन भनेकोप्रति माफी माग्दै भने, “म प्युठानमा यहाँका जनतासँग माफी माग्छु । रुखमा मत हाल्न नलगाएर हामीले गिलासमा मत हाल्न लगायौँ ।”
उनले आफूहरुले सरकारमा बसेर चकचक नगर्ने बताउँदै भने, “प्रचण्ड प्रधानमन्त्री बन्नुभयो । पाँच वर्ष चलोस् भन्ने चाहेका थियौँ । हामीले बेइमानी गरेका होइनौँ । उहाँले नै कांग्रेसलाई छाडेर एमालेसँग जानुभयो । अहिले हामी एमालेसँग मिलेर सरकार चलाएका छौँ । हामी इमान्दार भएर सरकार चलाउछौँ । हामी चकचक र उपद्रो गर्दैनौँ सरकारका बारेमा ।”
उनले एमालेसँग आफूहरु बराबर हैसियतमा रहने बताउँदै भने, “न एमालेलाई हेप्छौँ न एमालेसँग झुक्छौँ । दुर्व्यवहार सहेर कांग्रेस सरकारमा बस्दैन । मिलेर सर्तका आधारमा सरकार चलाउछौँ ।”
© 2025 All right reserved to khabarcnter.com | Site By : Sobij
